Please update your Flash Player to view content.
|
ዋቓይ ፎርቶ
ፎርቶ ጽልመት ሳጥረት ካብርሃን ሓደረት
ኣርዋሕ በልሰት ኣስራር እንደ ኣጣላለት
ኣርእስና ራፍዓና ሕሽማትና ኣቕባለት
************
እሎምቶም ሓውየ ላሓጥራም ሰብባ ማባጥር
ኢይራዳዋ ዲብ ናፍሶም መንባሮላ ሕፈር
ራህየት’ግል ላኣቱ እትኣፍያት ፋግራዉ ላዳብር
************
ምን እኪት እግል ላኣትናጉፉ ላሻዕቦም
ሳላም ዎፍተሕ ግል ልሳርግዋ ላኣርዳቶም
ኢይሓራጥራጠው ዋኢሳካው ኣርዋዋ እባኣድማዮም
************
ስዒድ ወድ ዓሊ ምስል ሓዉ ላፋርሳም
ገበይ ሻራፍ ፋትሓው’ና ንትከተሉ ላኣሳሮም
ኣከይ መንበሮ ሞት ታሓይሳ ናኣትምሙ ተለሎም
************
ዋቓይኩም ዎ ውላድ ኣዳቓባ ኤማና
ጽልመት ጋልጣጣት ካብርሃን ሸቤና
ኣጽግዳትና ሬመት ዎዓስተር ኣንጣጣ ኣርእስና
************
ሃቖ ፎርቶ ማዳናን ኣለቡ ዎ ፋርሃት
ሱራትላ ፋርዑን ግድም ታሃሻመት
እት ሳብኣ ግል ታኣቕብል እላ ኻዱረት
************
ክልና ስዒድ ወድ ዓሊ ሕና፡ ባዓላ ማራነት
ሓራያ ሞትታ ብጣር እብ ፋራሳት ዎሕሽማት
ናኣታላልያ ስቕራቱ ግል ንጭቃማ ሑሪየት
************
ሕና … ኢይንትባዳል ዎ ኢይንትቓየር
ፋትተና ናሓሽም ዋ እትራኣስና እንጻውር
ዋ ላኣበና ማናፋራቱ ናኣቓወ እንሻርቡ ሓንምድር
************
እንደናፋርና ኢይንትከረ ኣጽግደት እንደይንሳብር
ኢይላኣታክል ኣባይና ናኣጃግሑ ዎእትዋሓል ላኣንገርግር
ሳይፍና ኢይላቓብላ ላበቱ ገሮብ ኣባይ ምንኢይፋንጥር
************
ኡም…ሸሂድ ግድም…ኣብሽርኪ
ኢይትሕዘኒ ዋኢትግሃይ ህለና’ኪ
ኢይሞታ ነብራይቱ ታእሪኽ ውላድኪ
************
ኢይሞታ ሸሂድና ስሙ ዲማ ምስልና
ላማስታንክር ውዳዩ ትትሃገ’ቡ ምድርና
ታእሪኽ ፋራሳቱ ዋዋቓዩ ክቱብቱ እትኣልባብና
************
ዓብዳላ ሙሓመድ ዓሊ ዓብዳላ
